Indian Navy Recruitment 2026: ಭಾರತೀಯ ನೌಕಾಸೇನೆಯು (The Indian Navy) ಜೂನ್ 2027 ರ ಸಾಲಿನ ಶಾರ್ಟ್ ಸರ್ವಿಸ್ ಕಮಿಷನ್ (SSC) ಆಫೀಸರ್ ಹುದ್ದೆಗಳ ನೇಮಕಾತಿ ಅಧಿಸೂಚನೆಯನ್ನು ಬಿಡುಗಡೆ ಮಾಡಿದೆ. ಒಟ್ಟು ವಿವಿಧ ವೃಂದದ ಹುದ್ದೆಗಳಿಗೆ ಅರ್ಹ ಅವಿವಾಹಿತ ಪುರುಷ ಮತ್ತು ಮಹಿಳಾ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದ್ದು, ಅರ್ಹ ಅಭ್ಯರ್ಥಿಗಳು 27 ಜುಲೈ 2026ರೊಳಗೆ ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು. ಈ ಲೇಖನದಲ್ಲಿ ಹುದ್ದೆಗಳ ವಿವರ, ವಿದ್ಯಾರ್ಹತೆ, ಸಂಬಳ ಮತ್ತು ಅರ್ಜಿ ವಿಧಾನವನ್ನು ಸ್ಪಷ್ಟವಾಗಿ ತಿಳಿಸಲಾಗಿದೆ.
Indian Navy SSC Officer Recruitment 2026 Quick Summary
Indian Navy Recruitment 2026 ಪ್ರಮುಖ ವಿವರಗಳು
ಭಾರತೀಯ ನೇವಿಯು ಜೂನ್ 2027 ರ ಕೋರ್ಸ್ಗಾಗಿ ಈ ನೇಮಕಾತಿಯನ್ನು ಪ್ರಕಟಿಸಿದೆ. ಅಭ್ಯರ್ಥಿಗಳು ಭಾರತೀಯ ರಾಷ್ಟ್ರೀಯತೆಯನ್ನು ಹೊಂದಿರಬೇಕು ಮತ್ತು ಸರ್ಕಾರ ನಿಗದಿಪಡಿಸಿದ ದೈಹಿಕ ಹಾಗೂ ವೈದ್ಯಕೀಯ ಮಾನದಂಡಗಳನ್ನು ಪೂರೈಸಬೇಕಾಗುತ್ತದೆ.
ಈ ನೇಮಕಾತಿಯ ವಿಶೇಷತೆ ಏನೆಂದರೆ ಅಭ್ಯರ್ಥಿಗಳಿಗೆ ಯಾವುದೇ ರೀತಿಯ ಲಿಖಿತ ಪರೀಕ್ಷೆ ಇರುವುದಿಲ್ಲ. ನಿಮ್ಮ ಪದವಿಯಲ್ಲಿ ಪಡೆದ ಅಂಕಗಳ ಆಧಾರದ ಮೇಲೆ ಅಭ್ಯರ್ಥಿಗಳನ್ನು ನೇರವಾಗಿ ಶಾರ್ಟ್ಲಿಸ್ಟ್ ಮಾಡಿ 5 ದಿನಗಳ ಎಸ್ಎಸ್ಬಿ ಇಂಟರ್ವ್ಯೂಗೆ (SSB Interview) ಕರೆಯಲಾಗುತ್ತದೆ. ಆಸಕ್ತರು ಇಲಾಖೆಯ ಅಧಿಕೃತ ಆನ್ಲೈನ್ ಪೋರ್ಟಲ್ ಮೂಲಕವೇ ಅರ್ಜಿ ಸಲ್ಲಿಸುವುದು ಕಡ್ಡಾಯವಾಗಿದೆ. ಖುದ್ದಾಗಿ ಅಥವಾ ಅಂಚೆ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶವಿರುವುದಿಲ್ಲ.
ಖಾಲಿ ಇರುವ ಹುದ್ದೆಗಳು ಮತ್ತು ಸಂಬಳದ ವಿವರ
ನೇವಿಯಲ್ಲಿ ಖಾಲಿ ಇರುವ ವಿವಿಧ ಬ್ರಾಂಚ್ ಮತ್ತು ಕ್ಯಾಡರ್ಗಳ ಹುದ್ದೆಗಳ ವಿವರ ಹಾಗೂ ಮಾಸಿಕ ಆರಂಭಿಕ ವೇತನದ ಅಂದಾಜು ವಿವರವನ್ನು ಕೆಳಗೆ ನೀಡಲಾಗಿದೆ:
ಗಮನಿಸಿ: ಪೈಲಟ್, ಅಬ್ಸರ್ವರ್ ಮತ್ತು ಸಬ್ಮರಿನ್ ವಿಭಾಗಕ್ಕೆ ಆಯ್ಕೆಯಾಗುವ ಅಧಿಕಾರಿಗಳಿಗೆ ತರಬೇತಿ ಮುಗಿದ ನಂತರ ಪ್ರತಿ ತಿಂಗಳು ಹೆಚ್ಚುವರಿಯಾಗಿ ₹31,250/- ವಿಶೇಷ ಸ್ಪೆಷಲೈಸೇಶನ್ ಭತ್ಯೆ ಸಿಗುತ್ತದೆ.
ಈ ನೇಮಕಾತಿಯಲ್ಲಿ General Service, Pilot, ATC, Logistics, Engineering, Education ಹಾಗೂ Naval Constructor ಸೇರಿದಂತೆ ವಿವಿಧ ಬ್ರಾಂಚ್ಗಳಲ್ಲಿ ನೇಮಕಾತಿ ನಡೆಯಲಿದೆ. ಅಭ್ಯರ್ಥಿಗಳು ತಮ್ಮ ವಿದ್ಯಾರ್ಹತೆಗೆ ಅನುಗುಣವಾಗಿ ಅರ್ಜಿ ಸಲ್ಲಿಸಬಹುದು.
ಶೈಕ್ಷಣಿಕ ವಿದ್ಯಾರ್ಹತೆ
ಈ ನೇಮಕಾತಿಯಲ್ಲಿ ವಿವಿಧ ಬ್ರಾಂಚ್ಗಳಿಗೆ ತಕ್ಕಂತೆ ಪ್ರತ್ಯೇಕ ವಿದ್ಯಾರ್ಹತೆಯನ್ನು ನಿಗದಿಪಡಿಸಲಾಗಿದೆ. ಎಲ್ಲಾ ಹುದ್ದೆಗಳಿಗೂ ಪದವಿಯಲ್ಲಿ ಕನಿಷ್ಠ 60% ಅಂಕಗಳು ಕಡ್ಡಾಯವಾಗಿರಬೇಕು.
ಇಂಜಿನಿಯರಿಂಗ್ ಹುದ್ದೆಗಳು: ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಸಂಬಂಧಪಟ್ಟ ಟ್ರೇಡ್ಗಳಲ್ಲಿ ಕನಿಷ್ಠ 60% ಅಂಕಗಳೊಂದಿಗೆ BE/B.Tech ಮುಗಿಸಿರಬೇಕು.
ಅಂತಿಮ ವರ್ಷದ ವಿದ್ಯಾರ್ಥಿಗಳು: ಪ್ರಸ್ತುತ ಅಂತಿಮ ವರ್ಷದಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳು (Final Year Students) ಸಹ ಜೂನ್ 2027 ರ ಒಳಗೆ ಪದವಿ ಮುಗಿಸುವ ಷರತ್ತಿನ ಮೇಲೆ ಅರ್ಜಿ ಸಲ್ಲಿಸಬಹುದು
ವಯೋಮಿತಿ
ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಹುದ್ದೆಗಳಿಗೆ ಅನುಗುಣವಾಗಿ ಕೆಳಗಿನ ದಿನಾಂಕಗಳ ಮಧ್ಯೆ ಜನಿಸಿರಬೇಕು (ಎರಡೂ ದಿನಾಂಕಗಳು ಒಳಗೊಂಡಿರುತ್ತವೆ):
- GS(X) / ಲಾಜಿಸ್ಟಿಕ್ಸ್ / ಟೆಕ್ನಿಕಲ್ ಬ್ರಾಂಚ್: 02 ಜುಲೈ 2002 ರಿಂದ 01 ಜನವರಿ 2008.
- Pilot / Observer ಹುದ್ದೆಗಳು: 02 ಜುಲೈ 2003 ರಿಂದ 01 ಜುಲೈ 2008.
- ATC / Education ಹುದ್ದೆಗಳು: 02 ಜುಲೈ 2002 ರಿಂದ 01 ಜೂನ್ 2006 ರವರೆಗೆ.
ಅರ್ಜಿ ಶುಲ್ಕ
ಭಾರತೀಯ ನೌಕಾಸೇನೆಯ ಈ ಶಾರ್ಟ್ ಸರ್ವಿಸ್ ಕಮಿಷನ್ (SSC) ಆಫೀಸರ್ ನೇಮಕಾತಿಗೆ ಅರ್ಜಿ ಸಲ್ಲಿಸಲು ಯಾವುದೇ ತರಹದ ಅರ್ಜಿ ಶುಲ್ಕ ಇರುವುದಿಲ್ಲ (No Fees). ಎಲ್ಲಾ ವರ್ಗದ ಅಭ್ಯರ್ಥಿಗಳು ಉಚಿತವಾಗಿ ಅರ್ಜಿ ಸಲ್ಲಿಸಬಹುದು.
ಆಯ್ಕೆ ವಿಧಾನ
ಅಧಿಕೃತ ಅಧಿಸೂಚನೆಯಲ್ಲಿ ನಿಗದಿಪಡಿಸಿರುವ ನಿಯಮಗಳ ಪ್ರಕಾರ ಅರ್ಜಿಗಳ ಶಾರ್ಟ್ಲಿಸ್ಟ್, ಎಸ್ಎಸ್ಬಿ ಇಂಟರ್ವ್ಯೂ ಹಾಗೂ ಮೆಡಿಕಲ್ ಟೆಸ್ಟ್ ಮೂಲಕ ಆಯ್ಕೆ ಮಾಡಲಾಗುತ್ತದೆ.
- ಅರ್ಜಿಗಳ ಶಾರ್ಟ್ಲಿಸ್ಟ್ (Shortlisting): ಅಭ್ಯರ್ಥಿಗಳು ತಮ್ಮ ಪದವಿಯಲ್ಲಿ (ಬಿಇ/ಬಿಟೆಕ್ನ 5ನೇ ಅಥವಾ 7ನೇ ಸೆಮಿಸ್ಟರ್ವರೆಗೆ) ಪಡೆದ ಅಂಕಗಳನ್ನು ನಾರ್ಮಲೈಸ್ ಮಾಡಿ ಮೆರಿಟ್ ಆಧಾರದ ಮೇಲೆ ಇಂಟರ್ವ್ಯೂಗೆ ಆಯ್ಕೆ ಮಾಡಲಾಗುತ್ತದೆ.
- SSB ಇಂಟರ್ವ್ಯೂ (SSB Interview): ಶಾರ್ಟ್ಲಿಸ್ಟ್ ಆದ ಅರ್ಹ ಅಭ್ಯರ್ಥಿಗಳಿಗೆ ಬೆಂಗಳೂರು, ಭೋಪಾಲ್, ವಿಶಾಖಪಟ್ಟಣಂ ಅಥವಾ ಕೊಲ್ಕತ್ತಾ ಕೇಂದ್ರಗಳಲ್ಲಿ 5 ದಿನಗಳ ಕಾಲ ಕಠಿಣ ಎಸ್ಎಸ್ಬಿ ಇಂಟರ್ವ್ಯೂ ನಡೆಸಲಾಗುತ್ತದೆ.
- ವೈದ್ಯಕೀಯ ತಪಾಸಣೆ (Medical Exam): ಇಂಟರ್ವ್ಯೂನಲ್ಲಿ ಪಾಸ್ ಆದ ಅಭ್ಯರ್ಥಿಗಳಿಗೆ ಮಿಲಿಟರಿ ವೈದ್ಯಕೀಯ ಮಂಡಳಿಯಿಂದ ದೈಹಿಕ ಮತ್ತು ಆರೋಗ್ಯ ತಪಾಸಣೆ ನಡೆಸಿ ಅಂತಿಮ ಮೆರಿಟ್ ಪಟ್ಟಿಯನ್ನು ಪ್ರಕಟಿಸಲಾಗುತ್ತದೆ.
ಅಂತಿಮ ಆಯ್ಕೆ ಸಂಪೂರ್ಣವಾಗಿ ಭಾರತೀಯ ನೌಕಾಸೇನೆ ಹೊರಡಿಸಿರುವ ಅಧಿಕೃತ ನಿಯಮಾವಳಿಗಳ ಪ್ರಕಾರ ನಡೆಯುತ್ತದೆ.
ಅರ್ಜಿ ಸಲ್ಲಿಸಲು ಅಗತ್ಯವಿರುವ ದಾಖಲೆಗಳು
ಆನ್ಲೈನ್ ಅರ್ಜಿಯನ್ನು ಭರ್ತಿ ಮಾಡುವಾಗ ಈ ಕೆಳಗಿನ ಪ್ರಮುಖ ದಾಖಲೆಗಳನ್ನು ಸಿದ್ಧವಾಗಿಟ್ಟುಕೊಳ್ಳಿ:
- ಅಗತ್ಯ ದಾಖಲೆಗಳ ಸ್ಕ್ಯಾನ್ ಪ್ರತಿಗಳನ್ನು ನಿಗದಿತ ಫಾರ್ಮ್ಯಾಟ್ನಲ್ಲಿ ಸಿದ್ಧವಾಗಿಟ್ಟುಕೊಳ್ಳಿ.
- ಎಸ್ಎಸ್ಎಲ್ಸಿ (SSLC) ಅಂಕಪಟ್ಟಿ (ವಯಸ್ಸಿನ ದೃಢೀಕರಣಕ್ಕಾಗಿ).
- ಪಿಯುಸಿ (12th) ಅಂಕಪಟ್ಟಿ.
- ಬಿಇ/ಬಿಟೆಕ್ ಅಥವಾ ಡಿಗ್ರಿಯ ಎಲ್ಲಾ ಸೆಮಿಸ್ಟರ್ಗಳ ಮಾರ್ಕ್ಸ್ ಕಾರ್ಡ್ಗಳು.
- ಇಂಜಿನಿಯರಿಂಗ್ ಅಭ್ಯರ್ಥಿಗಳಿಗೆ ಸಿಜಿಪಿಎ ಇಂದ ಪರ್ಸೆಂಟೇಜ್ಗೆ ಬದಲಾಯಿಸುವ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದ Conversion Formula.
- ಎನ್ಸಿಸಿ ‘ಸಿ’ ಸರ್ಟಿಫಿಕೇಟ್ (ಇದ್ದಲ್ಲಿ ಮಾತ್ರ, 5% ಕಟ್ಆಫ್ ರಿಯಾಯಿತಿ ಸಿಗಲಿದೆ).
- ಇತ್ತೀಚಿನ ಪಾಸ್ಪೋರ್ಟ್ ಸೈಜ್ ಬಣ್ಣದ ಫೋಟೋ ಮತ್ತು ಅಭ್ಯರ್ಥಿಯ ಸ್ಪಷ್ಟ ಸಹಿ.
ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸುವ ವಿಧಾನ
- ಮೊದಲಿಗೆ ಭಾರತೀಯ ನೌಕಾಸೇಯ ಅಧಿಕೃತ ವೆಬ್ಸೈಟ್ ಆದ www.joinindiannavy.gov.in ಗೆ ಭೇಟಿ ನೀಡಿ.
- ಹೋಮ್ ಪೇಜ್ನಲ್ಲಿರುವ ‘Register’ ಲಿಂಕ್ ಬಳಸಿ ನಿಮ್ಮ ಇಮೇಲ್ ಮತ್ತು ಮೊಬೈಲ್ ನಂಬರ್ ಮೂಲಕ ನೋಂದಣಿ ಮಾಡಿಕೊಳ್ಳಿ.
- ನಂತರ ಲಾಗಿನ್ ಆಗಿ ನಿಮ್ಮ ಶೈಕ್ಷಣಿಕ ಮಾಹಿತಿ ಮತ್ತು ವೈಯಕ್ತಿಕ ವಿವರಗಳನ್ನು ಸರಿಯಾಗಿ ಭರ್ತಿ ಮಾಡಿ.
- ಕೇಳಲಾದ ದಾಖಲೆಗಳನ್ನು ಅಧಿಸೂಚನೆಯಲ್ಲಿ ಸೂಚಿಸಿರುವ ಫೈಲ್ ಫಾರ್ಮ್ಯಾಟ್ ಮತ್ತು ಗಾತ್ರಕ್ಕೆ ಅನುಗುಣವಾಗಿ ಅಪ್ಲೋಡ್ ಮಾಡಿ.
- ಅರ್ಜಿಯನ್ನು ಮತ್ತೊಮ್ಮೆ ಪರಿಶೀಲಿಸಿ (Preview) ಕೊನೆಯದಾಗಿ ಸಬ್ಮಿಟ್ ಮಾಡಿ, ಭವಿಷ್ಯದ ಉಲ್ಲೇಖಕ್ಕಾಗಿ ಪ್ರಿಂಟ್ ಔಟ್ ತೆಗೆದು ಇಟ್ಟುಕೊಳ್ಳಿ.
FAQs – ಇಂಡಿಯನ್ ನೇವಿ ನೇಮಕಾತಿ ಸಾಮಾನ್ಯ ಪ್ರಶ್ನೆಗಳು
1. Indian Navy SSC Officer ನೇಮಕಾತಿಗೆ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಯಾವುದು? ಉತ್ತರ: ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಲು 27 ಜುಲೈ 2026 ಕೊನೆಯ ದಿನಾಂಕವಾಗಿದೆ.
2. ಈ ಆಫೀಸರ್ ಹುದ್ದೆಗಳಿಗೆ ಮಾಸಿಕ ಸಂಬಳ ಎಷ್ಟಿರುತ್ತದೆ? ಉತ್ತರ: ಸಬ್ ಲೆಫ್ಟಿನೆಂಟ್ ಹುದ್ದೆಯ ಬೇಸಿಕ್ ಸಂಬಳ ಮತ್ತು ಇತರೆ ಭತ್ಯೆಗಳು ಸೇರಿ ಆರಂಭಿಕ ಮಾಸಿಕ ವೇತನ ಸುಮಾರು ₹1,20,000 ಇರುತ್ತದೆ.
3. ಈ ನೇಮಕಾತಿಗೆ ಯಾವುದೇ ಲಿಖಿತ ಪರೀಕ್ಷೆ ಇರುತ್ತದೆಯೇ? ಉತ್ತರ: ಇಲ್ಲ, ಈ ನೇಮಕಾತಿಗೆ ಯಾವುದೇ ಲಿಖಿತ ಪರೀಕ್ಷೆ ಇರುವುದಿಲ್ಲ. ಕೇವಲ ಪದವಿಯ ಅಂಕಗಳ ಆಧಾರದ ಮೇಲೆ ಶಾರ್ಟ್ಲಿಸ್ಟ್ ಮಾಡಿ ಎಸ್ಎಸ್ಬಿ ಇಂಟರ್ವ್ಯೂ ನಡೆಸಲಾಗುತ್ತದೆ.
4. ಕೊನೆಯ ವರ್ಷದ ಪದವಿ ಓದುತ್ತಿರುವವರು ಅಪ್ಲೈ ಮಾಡಬಹುದೇ? ಉತ್ತರ: ಹೌದು, ಪ್ರಸ್ತುತ ಫೈನಲ್ ಇಯರ್ನಲ್ಲಿ ಓದುತ್ತಿರುವ ಇಂಜಿನಿಯರಿಂಗ್ ಅಥವಾ ಡಿಗ್ರಿ ವಿದ್ಯಾರ್ಥಿಗಳು ಜೂನ್ 2027ರ ಒಳಗೆ ಯಾವುದೇ ಬ್ಯಾಕ್ಲಾಗ್ ಇಲ್ಲದೆ ಪದವಿ ಮುಗಿಸುವ ಷರತ್ತಿನ ಮೇಲೆ ಅರ್ಜಿ ಸಲ್ಲಿಸಬಹುದು.
5. NCC Certificate ಇದ್ದರೆ ಏನು ಪ್ರಯೋಜನ? ಉತ್ತರ: ಅಧಿಸೂಚನೆಯಲ್ಲಿ ಸೂಚಿಸಿರುವಂತೆ NCC ‘C’ Certificate ಹೊಂದಿರುವ ಅಭ್ಯರ್ಥಿಗಳಿಗೆ ನಿಗದಿತ ಮಾನದಂಡಗಳ ಪ್ರಕಾರ ಸಡಿಲಿಕೆ ಅಥವಾ ಆದ್ಯತೆ ದೊರೆಯಬಹುದು.
6. ಅರ್ಜಿ ಸಲ್ಲಿಸಲು ಎಷ್ಟು ಶುಲ್ಕ ಪಾವತಿಸಬೇಕು? ಉತ್ತರ: ಈ ನೇಮಕಾತಿಗೆ ಯಾವುದೇ ಅರ್ಜಿ ಶುಲ್ಕ ಇರುವುದಿಲ್ಲ. ಸಾಮಾನ್ಯ, ಒಬಿಸಿ, ಎಸ್ಸಿ, ಎಸ್ಟಿ ಸೇರಿದಂತೆ ಎಲ್ಲಾ ಅಭ್ಯರ್ಥಿಗಳಿಗೆ ಅರ್ಜಿ ಸಲ್ಲಿಕೆ ಸಂಪೂರ್ಣ ಉಚಿತವಾಗಿದೆ.
7. ಮದುವೆಯಾದವರು ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದೇ? ಉತ್ತರ: ಇಲ್ಲ, ಕೇವಲ ಅವಿವಾಹಿತ (Unmarried) ಪುರುಷ ಮತ್ತು ಮಹಿಳಾ ಅಭ್ಯರ್ಥಿಗಳಿಗೆ ಮಾತ್ರ ಈ ತರಬೇತಿ ಕೋರ್ಸ್ಗೆ ಸೇರಲು ಅವಕಾಶವಿರುತ್ತದೆ.
ಪ್ರಮುಖ ಅಧಿಕೃತ ಲಿಂಕ್ಗಳು
📌 ನಮ್ಮ ಇತರೆ ಪ್ರಮುಖ ಲೇಖನಗಳನ್ನು ಓದಿ:
ತೀರ್ಮಾನ
ಭಾರತೀಯ ನೌಕಾಸೇನೆಯಲ್ಲಿ ಆಫೀಸರ್ ಆಗಿ ಸೇವೆ ಸಲ್ಲಿಸಲು ಬಯಸುವ ಪದವೀಧರರಿಗೆ ಇದು ಅತ್ಯುತ್ತಮ ಅವಕಾಶವಾಗಿದೆ. ಅರ್ಜಿ ಸಲ್ಲಿಸುವ ಮೊದಲು ಅಧಿಕೃತ ಅಧಿಸೂಚನೆಯನ್ನು ಸಂಪೂರ್ಣವಾಗಿ ಓದಿ, ಅರ್ಹರಾಗಿದ್ದರೆ ಕೊನೆಯ ದಿನಾಂಕದೊಳಗೆ ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಿ. ಇಂತಹ ಉದ್ಯೋಗ ಹಾಗೂ ಸರ್ಕಾರಿ ಯೋಜನೆಗಳ ನೈಜ ಮಾಹಿತಿಗಾಗಿ Mahiti Chakra ಅನ್ನು ಪ್ರತಿದಿನ ಭೇಟಿ ನೀಡಿ.
